[b] هبعت لك كلمه بحبك مع كل نسمه هوا تلمس خدودك
هبعتها طايرة ترفرف تسبق الريح تداعب جفونك
هبعتها مع كل قطرة ندى تنزل على جبينك
هبعت لك كلمه بحبك عدد دقات قلوب كل البشر
هبعتها كلمه رقيقه هكتبها لك على وش القمر
هكتبها على كل ورقه من اوراق الشجر
انا كل دقه فى قلبى تقولك بحبك
بكل نقطه فى دمى هكتب لك بحبك
بكل دمعه فى عيونى وكل نظرة هقولك بحبك
عايزة اسمعها منك تريحنى بيها
تريحنى تفرحنى اعيش عليها
تصبرنى تقوينى عيشنى بيها وفيها