مصر أمنا ولا احنا ولادها من راجل تانى ..ربنا يستر عليا بقي

حلى سلام عليكم ورمضان كريم وايام زى الفل ..وكل واحد يخلى باله من صيامه..
وبقول للشباب

وشك من البنات يخويا انت وهو
ههههههههههههههههه

ها








قالوا اتكلم عن مشكله فى حياتك وناقش فيها الناس وشوف الحلول
... قولت هتكلم عن مشكلة بيعانى منها كل شباب الجيل...
...زمان واحنا اطفال بيبقى كل واحد فينا يادوب بيعرف يتعامل مع اللى حواليه فاكر ان الدنيا كلها خير وغاوى لعب ومش شايل هم لاى حاجه ... بتعدى الايام وبنكبر وتكبر معانا الاحلام وبردو بتفضل الدنيا ادامنا كلها خير وبكره زى الفل ... ونقرأ حكايات فى الكتب عن الامانه والصدق والخير والحب وكل الحاجات الجميله دى ونقوووول يااااااه امتى بقى هنكبر علشان نبقى ونبقى ... و احنا فى حصة التاريخ كان الواحد بيعيش جو حب مصر و قصة كفاح شعب طيبه واد ايه بلدنا ليها حق كبير علينا ... وكبرنا ومصر فى دمنا وحب مصر جوانا ... ويقولك مصر دى امى طيب هيا الام تعمل فى ابنها كدااا ولا احنا ولادها من راجل تانى ... هههه
من زمان وانا غاويه رسم وكنت عايزه اكمل فى المجال ده وادخل فنون جميله وابقى بنوته رسامه عالميه ... قالوا لا انسى المستقبل مش فى الرسم ... رمانى التنسيق على كلية الاداب... قولت مفيش مشكله اهو نحاول و الاداب شغلها كتير وفروعها اكتر ونسيت ان انا فى مصر وامى طبعا اكيد مش هتنسانى ... ونسيت ان مصر امى لكن احنا ولادها من راجل تانى...
ربنا كرمنى وبنجح الحمد لله بتقدير كمان بس بفكر كتير فى بكره يا تري بكره لما اخد الليسانس


يا تري هقدر استمر واحقق طموحى الى استنيته من زمان اوى وكبرت عليه
قعت مره مع ماما كدا وحاولت افكر واقولها لو اشتغلت فى كذا وكذا وكذا
ردت عليا بكلمه واحده وقالتلى يا بنتى




مصــــــــر هيا مصـــــــــــر



بصراحه استغربت اوى يعنى ايه يا ماما ليه قولتيلى كدا


وبصراحه لما فكرت مع نفسي كدا اكتشفت ان



اى حد غريب واخد حقه بجد عن ولاد البلد ...


وبصراحه لما قعت مع نفسي تانى وفكرت كدا قولت لنفسي يبقي مفيش غير اوربا


اسافر واشتغل هناك يمكن احققق طموحاتى زى ما انا متخيلها واحلامى ولو جزء منها
بس رجعت وصحيت على الحقيقه انى عمري ما اقدرر اعمل كدا وابعد عنك يا مصر


مش عارفه انا مقدرش اسيب بلدى


واستغنى اصحابي واهلى الى عشت فى وسطيهم هنا
وقررت انى افضل في بلدى مصر


بس بدعى ربنا كل يوم ان احوال بلدى تتعدل وتبقي احسن واحسن
كل يوم قبل ما اشرب العصير على الفطار

افتكروا انتم كمان تعملم كدا



طولت عليكوا انا عارفه لكن ياترى حد عنده حل للمشكلة ... وتقريبا كمان الجيل الجاى اللى ربنا يكون فى عونهم بجد ... وكل واحد عايز يرتبط بانسانه بيتمنى يخليها اسعد حد فى الدنيا وعايز يكون نفسه ويأمن مستقبل ولاده ... نعمل ايه بجد واحنا فى الظروف دى ... والحل فين ....؟؟؟؟؟؟

مستنياكم تردوا عليا