السلام عليكم ورحمه الله وبركاته ....
الخوف مين فينا ما
خافش
الموضوع يمكن غريب بس حبيت انى اتكلم فيه
من زمان كنت
دايما بسمع المثل اللى بيقول
اللى يخاف من العفريت يطلعلو
واتعلمت
انى ما اخفش
مع انى عارف ان العفريت كده كده طالع
بس هتفرق
انى هكون مستعد ليه
على الاقل صدمه البدايه مش هتكون قويه ولا
عنيفه
كل واحد منا وليه عفريت بيخاف منه
فيه اللى بيخاف من
الموت
ومن المرض
ومن الزمن
ومنا اللى بيخاف من
نفسه
ومنا اللى بيخاف انه يقول حتى رئيه
الخوف بقى جزء
رئيسى منا
الخوف ان يجى اليوم والواحد يخاف من ظله
والخوف
كل الخوف انن نخاف اننا حتى نحلم
فعلا بقينا نخاف نحلم احسن الحلم
ما يتحققش
ونتصدم
وفى ناس مينا بتصنف الحذر على انه خوف
انما
الاغلبيه بتصنف الخوف على انه حذر
بس فيه فرق شاسع بين الاتنين
الخوف
عيب
والحذر لأ
مش عيب انى اكون انسان حذر
لكن
العيب انى اكون خواف
بقينا نخاف من كل حاجه
حتى من بكره (
الغد )
حتى من الضحك لما نضحك من قلوبنا بنقول يارب اجعله خير
خيفين
من اللحظه الحزينه اللى بعد الضحك والفرح